ਮੁਹਾਲੀ: 15 ਅਪ੍ਰੈਲ (Azadvaani) ਪੰਜਾਬ ਦੇ ਉਦਯੋਗ ਅਤੇ ਵਪਾਰ ਮੰਤਰੀ ਸੰਜੀਵ ਅਰੋੜਾ ਨੇ ਬੁੱਧਵਾਰ ਨੂੰ ਲਿਵਾਸਾ ਹਸਪਤਾਲ, ਮੁਹਾਲੀ ਵਿੱਚ ਐਡਵਾਂਸਡ ਰੇਡੀਏਸ਼ਨ ਔਨਕੋਲੋਜੀ ਸੈਂਟਰ ਦਾ ਉਦਘਾਟਨ ਕੀਤਾ।ਇਸ ਸੈਂਟਰ ਵਿੱਚ ਅਤਿਆਧੁਨਿਕ ਰੇਡੀਏਸ਼ਨ ਤਕਨਾਲੋਜੀ ਉਪਲਬਧ ਹੈ, ਜਿਸ ਦਾ ਉਦੇਸ਼ ਹੋਲਿਸਟਿਕ ਅਤੇ ਮਲਟੀ-ਡਿਸ਼ਪਲਿਨਰੀ ਅਪ੍ਰੋਚ ਨਾਲ ਸਟੀਕ, ਪ੍ਰਭਾਵਸ਼ਾਲੀ ਅਤੇ ਮਰੀਜ਼-ਕੇਂਦਰਿਤ ਕੈਂਸਰ ਇਲਾਜ ਮੁਹੱਈਆ ਕਰਵਾਉਣਾ ਹੈ।ਇਸ ਮੌਕੇ ‘ਤੇ ਬੋਲਦੇ ਹੋਏ ਸੰਜੀਵ ਅਰੋੜਾ ਨੇ ਕਿਹਾ ਕਿ ਇਸ ਐਡਵਾਂਸਡ ਰੇਡੀਏਸ਼ਨ ਔਨਕੋਲੋਜੀ ਸੈਂਟਰ ਦੀ ਸ਼ੁਰੂਆਤ ਪੰਜਾਬ ਵਿੱਚ ਕੈਂਸਰ ਦੇਖਭਾਲ ਢਾਂਚੇ ਨੂੰ ਮਜ਼ਬੂਤ ਕਰਨ ਵੱਲ ਇੱਕ ਮਹੱਤਵਪੂਰਨ ਕਦਮ ਹੈ। ਆਧੁਨਿਕ ਤਕਨਾਲੋਜੀ ਅਤੇ ਸਮੇਂ ਸਿਰ ਇਲਾਜ ਤੱਕ ਪਹੁੰਚ ਜ਼ਿੰਦਗੀ ਬਚਾਉਣ ਵਿੱਚ ਵੱਡਾ ਫਰਕ ਪਾ ਸਕਦੀ ਹੈ, ਅਤੇ ਅਜਿਹੀਆਂ ਪਹਿਲਾਂ ਨਾਲ ਪੂਰੇ ਖੇਤਰ ਦੇ ਮਰੀਜ਼ਾਂ ਨੂੰ ਲਾਭ ਮਿਲੇਗਾ।ਸੀਈਓ, ਲਿਵਾਸਾ ਹਸਪਤਾਲਜ਼, ਅਨੁਰਾਗ ਯਾਦਵ ਨੇ ਕਿਹਾ ਕਿ ਐਡਵਾਂਸਡ ਰੇਡੀਏਸ਼ਨ ਔਨਕੋਲੋਜੀ ਸੈਂਟਰ ਦਾ ਉਦਘਾਟਨ ਸਾਡੇ ਇਸ ਮਿਸ਼ਨ ਵਿੱਚ ਇੱਕ ਮਹੱਤਵਪੂਰਨ ਕਦਮ ਹੈ ਕਿ ਅਸੀਂ ਕਮਿਊਨਿਟੀਆਂ ਦੇ ਨੇੜੇ ਵਿਸ਼ਵ-ਪੱਧਰੀ ਕੈਂਸਰ ਸੇਵਾਵਾਂ ਪ੍ਰਦਾਨ ਕਰੀਏ।ਔਨਕੋਲੋਜੀ ਵਿਸ਼ੇਸ਼ਗਿਆਨਾਂ ਦੀ ਇੱਕ ਮਲਟੀ-ਡਿਸ਼ਪਲਿਨਰੀ ਟੀਮ ਅਤੇ ਇੱਕ ਸੁਧਰੇ ਹੋਏ ਟਿਊਮਰ ਬੋਰਡ ਇਸ ਸੈਂਟਰ ਨੂੰ ਸਹਿਯੋਗ ਦਿੰਦੇ ਹਨ, ਜਿੱਥੇ ਵਿਸ਼ੇਸ਼ ਗਿਆਨ ਹਰ ਕੇਸ ਦੀ ਸਾਂਝੀ ਸਮੀਖਿਆ ਕਰਕੇ ਵਿਅਕਤੀਗਤ ਇਲਾਜ ਯੋਜਨਾ ਤਿਆਰ ਕਰਦੇ ਹਨ।ਇਸ ਟੀਮ ਵਿੱਚ ਡਾਇਰੈਕਟਰ-ਮੈਡੀਕਲ ਔਨਕੋਲੋਜੀ ਡਾ. ਜਤਿਨ ਸਰੀਨ, ਡਾਇਰੈਕਟਰ-ਰੇਡੀਏਸ਼ਨ ਔਨਕੋਲੋਜੀ ਡਾ. ਮੀਨਾਕਸ਼ੀ ਮਿੱਤਲ, ਡਾਇਰੈਕਟਰ-ਸਰਜੀਕਲ ਔਨਕੋਲੋਜੀ ਡਾ. ਵਿਜੈ ਬੰਸਲ, ਡਾਇਰੈਕਟਰ-ਸਰਜੀਕਲ ਔਨਕੋਲੋਜੀ ਡਾ. ਸ਼ੁਭ ਮਹਿੰਦਰੂ, ਸੀਨੀਅਰ ਕਨਸਲਟੈਂਟ-ਮੈਡੀਕਲ ਔਨਕੋਲੋਜੀ ਡਾ. ਪ੍ਰਿਆਂਸ਼ੂ ਚੌਧਰੀ, ਸੀਨੀਅਰ ਕਨਸਲਟੈਂਟ-ਰੇਡੀਏਸ਼ਨ ਔਨਕੋਲੋਜੀ ਡਾ. ਪਰਨੀਤ ਸਿੰਘ ਅਤੇ ਕਨਸਲਟੈਂਟ-ਕਲੀਨਿਕਲ ਹਿਮੈਟੋਲੋਜੀ ਅਤੇ ਬੀਐਮਟੀ ਡਾ. ਮੁਕੇਸ਼ ਚਾਵਲਾ ਸ਼ਾਮਲ ਹਨ।
ਸੰਜੀਵ ਅਰੋੜਾ ਵਲੋਂ ਲਿਵਾਸਾ ਹਸਪਤਾਲ ਵਿੱਚ ਐਡਵਾਂਸਡ ਰੇਡੀਏਸ਼ਨ ਔਨਕੋਲੋਜੀ ਸੈਂਟਰ ਦਾ ਉਦਘਾਟਨ
